«Նոր օրենքը հարուստներից գույքը վերցնելու և աշխատավորներին հանձնելու մասին չէ». նախարար

ՀՀ արդարադատության նախարար Ռուստամ Բադասյանը Հանրային հեռուստաընկերության եթերում շահարկում է որակել այն պնդումները, թե «Ապօրինի ծագում ունեցող գույքի բռնագանձման մասին» օրենքը գործիք է լինելու իշխանությունների ձեռքում, որպեսզի վերաբաշխի սեփականությունը:

«Սա ոչ միայն պաշտոնական անձանց է վերաբերում, այլ՝ թմրաբիզնեսով զբաղվող անձանց, թրաֆիքինգով զբաղվողներին, քրեական ենթամշակույթ կրող խմբավորումներ ղեկավարող մարդկանց: Հետևաբար՝ այն գույքը, որը կուտակվում է նրանց գործունեության արդյունքում, այս օրենքը թիրախավորում է նման տեսակի գույքերը»,- ասել է Բադասյանը:

Հարցին, թե արդյոք սա չի՞ դառնա գործիք հարուստների ձեռքից գումարը վերցնելու և սոցիալապես խոցելի խավերին բաժանելու առումով, նախարարն ասել է. «Սա հարուստներից գույքը վերցնելու և աշխատավորներին հանձնելու մասին չէ: Սա կոնկրետ գործիք է, որով ապօրինի հարստացումն է բացառվում»:

Մանրամասները՝ տեսանյութում: