«Քվեարկության կոճակներ շփոթող անձը մեղադրում է առաջատար դիվանագետ Լավրովին». Արփինե Հովհաննիսյան

ԱԺ նախկին փոխնախագահ, արդարադատության նախկին նախարար Արփինե Հովհաննիսյանը ֆեյսբուքյան իր էջում գրել է․ «Փաստորեն քվեարկության կոճակներ շփոթող անձը նման մի բանում է մեղադրում առաջատար դիվանագետ Ս. Լավրովին։

Իսկ գուցե՞ խնդիրը «սեղան» բառի ձեր ընկալման մեջ է, աղջիկներ և տղաներ։

Ասենք ոչ թե բանակցությունների սեղանի վրա է փուլային տարբերակը, այլ կիրթ մարդու հետ սուրճի սեղանի կամ թեյի սեղանի կամ ասենք գրասեղանի։

Նայեք՝ կարևորը վերջում չդառնա զոհասեղանի։

Հ. Գ. Հազարավոր անիմաստ ու տգետ մտքերի փոխարեն պետք է ասել, որ փուլային տարբերակը հայկական կողմի համար անընդունելի է ու վերջ»։