«Տպավորություն է, որ այս իշխանությունները մեզ շլանգի տեղ են դնում»․ Սերգեյ Դանիելյան

Դերասան, քաղաքական սատիրիկ Սերգեյ Դանիելյանն «Առաջին լրատվական»-ի եթերում, անդրադառնալով երկու տարի առաջ տեղի ունեցած հեղափոխությանը, ասել է. «Երբ տխրում եմ, հիշում եմ, որ Սերժ Սարգսյանը հրաժարական է տվել, և միանգամից տրամադրությունս բարձրանում է: Մի քանի հիմնարար բան փոխվել է: Օրինակ, ես ավելի ազատ եմ ինձ զգում, ավելի ազատ եմ խոսում և ավելի ազատ եմ շնչում: Նախկինում ես թքած ունեի, բայց հիմա ցավում եմ իշխանության և պետության համար և ավելին եմ պահանջում…: Ես կատաղում եմ այս իշխանությունների վրա, երբ նրանք հաճախ մեզ՝ մտածող քաղաքացիներիս դնում են շլանգի տեղ, ազնիվ չեն մեզ հետ: Նախկինները պիտի պատժված լինեին: Օրինակ, միչև հիմա փոխված չէ գլխավոր դատախազը, մինչև հիմա բոլոր դատավորները նույնն են, ԲԴԽ-ում մինչև հիմա խմորումներ են գնում և բացահայտ ազնիվ մարդկանց հետևից են ընկել: Երկու տարի շարունակ Սերժ Սարգսյանի կասսիրը՝ ԿԲ նախագահը, հանգիստ նստած էր պաշտոնին, միայն ժամկետն ավարտելուց հետո փոխվեց: «Կոպեկ առ կոպեկ հետ բերելու» մասին, որ խոսում էին, մեղմ ասած ճիշտ չէ, որովհետև հենց Կենտրոնական բանկում է, որ փողերը արտահոսում են երկրից դուրս և այլն»:

Մանրամասները՝ սկզբնաղբյուրում: