«Այստեղ ստորջրյա հոսանքներ եմ տեսնում». Գագիկ Ջհանգիրյանը՝ ԱԺ-ում ծեծկռտուքի մասին

Գլխավոր դատախազի նախկին տեղեկալ, նախկին զինդատախազ, իրավագետ Գագիկ Ջհանգիրյանն «Առաջին լրատվական»-ի եթերում անդրադարձել է այսօր Ազգային ժողովում տեղի ունեցած ծեծկռտուքին:

«Չեմ ուզում գնահատական տալ, քանի որ Գլխավոր դատախազությունը հայտարարություն է տարածել, որ ուսումնասիրում է այդ միջադեպի վերաբերյալ տեսանյութերը: Ես քաղաքական մարդ չեմ, իմ տեսանկյունը իրավական է: Նախորդ օրերի և այսօրվա իրադարձությունները կաթիլ-կաթիլ եկան և գումարվեցին իրար»,- ասել է նա:
Հարցին, թե արդյոք սա զուտ տղամարդկային վե՞ճ էր, Գ. Ջհանգիրյանը պատասխանել է. «Տղամարդկային վեճ ունենում են հավասարազոր ուժերը: Այստեղ կերպարներն այն չէին, որ նրանք իրար հետ պետք է ֆիզիկական ուժով ինչ-որ հարց լուծեին: Այստեղ ստորջրյա հոսանքներ եմ ես տեսնում»:

Մանրամասն՝ սկզբնաղբյուրում: