Ուրբաթ, 29 մարտի, 2024 թ.
|
Ստեփանակերտում`   +13 °C

Թրամփն ամերիկյան կենսաթոշակային ֆոնդերին արգելում է ներդրումներ կատարել չինական բաժնետոմսերում

Թրամփն ամերիկյան կենսաթոշակային ֆոնդերին արգելում է ներդրումներ կատարել չինական բաժնետոմսերում
2050
Երեքշաբթի, 12 մայիսի, 2020 թ., 23:35

ԱՄՆ նախագահ Դոնալդ Թրամփն արգելել է դաշնային կենսաթոշակային ֆոնդերին չինական ընկերությունների բաժնետոմսերում ներդրումներ իրականացնել, հաղորդել է Fox Business-ը՝ վկայակոչելով ԱՄՆ նախագահի աշխատակազմի ներքին փաստաթղթերը:
Նշվում է, որ մայիսի 11-ին Ազգային անվտանգության հարցերով խորհրդական Ռոբերտ Օ'Բրայենը և Ազգային տնտեսական խորհրդի ղեկավար Լոուրենս Քադլոուն համատեղ նամակ են ուղարկել Աշխատանքի նախարար Յուջին Սկալիային, որտեղ նշվում է, որ նախագահի աշխատակազմը չի ցանկանում, որպեսզի Thrift Savings Plan դաշնային կենսաթոշակային ֆոնդը ներդրումներ իրականացնի Չինաստանին պատկանող ընկերությունների արժեթղթերում: Նման ներդրումների ծավալն, ըստ հեռուստաալիքի՝ կազմում է մոտ 4 միլիարդ դոլար: Նամակի հեղինակներն այս իրավիճակն անվանել են «ռիսկային և չարդարացված» և ապացույցներ են ներկայացրել Չինաստանի կողմից ոչ թափանցիկ գործողությունների մասին՝ կապված աշխարհում համավարակի տարածման հետ: