«Այդ ամոթալի էջը պարտավոր ենք վերջապես փակել». Արման Բաբաջանյան

ԱԺ պատգամավոր Արման Բաբաջանյանը ֆեյսբուքյան իր էջում գրել է. «Առաջիկայում Հայաստանի Ազգային ժողովը քննարկելու է Սահմանադրական դատարանի շուրջ առաջացած ճգնաժամի հաղթահարումն ապահովող նախագիծը։ Այսօրվա իրադարձություններին և ԱԱԾ տարածած հաղորդագրություններին հետևելով հաստատապես կարող եմ պնդել, որ մինչև այդ հարցին մոտենալը խնդրի ավելի խորքային, արմատական լուծումը համարում եմ Ազգային Ժողովի կողմից անցած երկու տասնամյակներին տեղի ունեցած պետության ու իշխանության զավթմանն իրավաքաղաքական գնահատական տալը։

Խորհրդարանը՝ որպես իշխանության առաջնային մանդատ կրող և ժողովրդավարության պաշտպան մարմին, կարող ենք և պարտավոր ենք իրավաքաղաքական գնահատական տալ անցած 20 տարիներին երկրում իշխանության զավթմանը, որին մասնակցել են առնվազն վերջին քսան տարիներին մասնակցել է իշխանության բոլոր ճյուղերը Սահմանադրական դատարանի գլխավորությամբ, քաղաքական մեծամասնություն Հանրապետական կուսակցությունը, նրան տարբեր ժամանակաշրջաններում սպասարկած կոալիցիոն քաղաքական գործընկերները՝ ԲՀԿ-ն, ՕԵԿ-ը, ՀՅԴ-ն, որոնք ընտրակեղծարարության մեքենայի միջոցով հասել են ոչ միայն իշխանության վերարտադրությանը, այլև հնարավորություն են ստեղծել քաղաքական հետապնդումներին, բռնաճնշումներին, մարդկանց ունեզրկմանը, օլիգարխիայի ու մենաշնորհների հաստատմանը։

Անառարկելի է, որ կոնկրետ անձինք՝ Ռոբերտ Քոչարյանի, ապա Սերժ Սարգսյանի ուղղակի հանձնարարությամբ, կոնկրետ դերակատարներ, քրեական տարրեր և օլիգարխներ, պետական մեքենան, գործադիր և դատական իշխանության ողջ ներուժը, զբաղված է եղել իշխանության բռնազավթմամբ։

Ազգային ժողովի կողմից պետության բռնազավթման վերաբերյալ ընդունված իրավաքաղաքական գնահատականը պարտավոր ենք հնչեցնել, մեր երկրի նորագույն պատմության այդ ամոթալի էջը պարտավոր ենք վերջապես փակել»: