«Պետք է բացահայտվեն նաև ՀՀԿ-ի և մյուսների ընտրակեղծիքները. իրավապահների առաջ խնդիր կդրվի». Նիկոլ Փաշինյան

ՀՀ վարչապետ Նիկոլ Փաշինյանն այսօր ԱԺ-ում հարցուպատասխանաի ժամանակ անդրադարձավ նաև ՀՀԿ-ի ենթադրյալ ընտրակաշառքներին և կոռուպցիոն սխեմաներին: Նա նշեց, որ այս ժամանակահատվածում ինքը կատարել է որոշակի վերլուծություն և ներկայացրեց ԲՀԿ-ի և ՀՀԿ-ի տարբերություններն այդ առումով:

«ԲՀԿ-ի պարագայում հիմնականում ծախսվել է մի մարդու փողեր և էդ փողերի ծախսման արդյունքում, քանի որ մի մարդու տված փողերն ա եղել, պետք է եղել հաշվետու լինել հետո: ՀՀԿ-ի դեպքում ամեն մեկն իր կոռուպցիոն փողն ա ծախսել և մենակ ձայնի համար ա հաշվետու եղել՝ բերեցի էսքան ձայն, թե չբերեցի: Դրա համար էլ փողային հաշվետվություն չի ներկայացրել: Մեզ քննադատում են՝ բա ՀՀԿ-ի ընտրակաշառքների համակարգն ինչո՞ւ չի բացահայտվում, ես ընդունում եմ այդ քննադատությունը: Այո՛, մեր իրավապահների առաջ պետք է խնդիր դրվի՝, էս գործի շրջանակներում էնքան խորանալ, որ բացահայտվեն նաև ՀՀԿ-ի և մյուսների ընտրակեղծիքները: Կոռուպցիոն համակարգն իր ամենավերջին ղազագրով պետք է արմատախիլ անենք և անելու ենք»,- հայտարարեց ՀՀ վարչապետ Նիկոլ Փաշինյանը: