«Միքայել Մինասյանի հին համակարգչի ֆայլերից երևում է՝ ընտրակեղծիքների ինչ համակարգեր են գործել». Նիկոլ Փաշինյան

ՀՀ վարչապետ Նիկոլ Փաշինյանն այսօր ԱԺ-ում անդրադարձավ ՀՀԿ-ի ընտրակեղծիքների թեմային:

«Մամուլում եղան հրապարակումներ, որ Սերժ Սարգսյանի փեսա Միքայել Մինասյանի քրեական գործով, ենթադրում եմ Միքայել Մինասյանի էդ հին համակարգչից վերականգնված ֆայլերից, որտեղ երևում ա, թե ընտրակեղծիքների ինչ մանիպուլյացիոն համակարգեր են գործել: Ավելին ասեմ՝ 2017 թվականին, ես մի օրենքի նախագիծ էի բերել, որ փոխվեն կուսակցության կասեցման հիմքերը: Գրել էի, որ էն պարագայում, երբ բացահայտվում ա, որ կուսակցությունը համակարգված ձևով ընտրակաշառքներ և ընտրակեղծիքներ է իրականացրել, այդ կուսակցության գործունեությունը պետք է կասեցվի, բայց, ցավոք սրտի, «Ելք» դաշինքի իմ գործընկերները չհամաձայնեցին, որ մենք այդ օրենքը դնենք շրջանառության մեջ: Երևի պետք է դրա մասին մտածել արդեն: Ես հիմա իդեա եմ տալիս՝ օրենքի նախագիծ ներկայացնելու»,- ասաց Նիկոլ Փաշինյանը