ՍԴ-ն հուլիսի 7-ին կկարողանա՞ քննել Ռ․ Քոչարյանի դիմումը

275

Չորեքշաբթի, 24 հունիսի, 2020 թ., 15:50

6 անդամներով ու առանց Սահմանադրական դատարանի նախագահի՝ ՍԴ-ն կկարողանա՞ աշխատել․ «Ազատության» հարցին ի պատասխան՝ Արդարադատության նախարար Ռուստամ Բադասյանն ասաց․ «Սահմանել ենք, որ նոր թեկնածուների առաջադրումները երկամսյա ժամկետում պետք է կատարվեն։ ՍԴ նիստի իրավազորության մասով՝ կարող է անցկացվել, բայց դա բնականոն վիճակ չէ ու սահմանադրական մարմինները՝ այդ թվում Կառավարությունը ջանքեր պետք է գործադրեն, որ ՍԴ կազմն արագ համալրվի»։

Սահմանադրական փոփոխություններն ուժի մեջ մտնելուց հետո, Ռ․ Քոչարյանի դիմումը ՍԴ-ն հուլիսի 7-ին կկարողանա՞ քննել՝ հատկապես, եթե Վահե Գրիգորյանը չմասնակցի, նախարարը պատասխանեց․ «Չեմ կարողանա ասել՝ քվորում կլինի՞, թե՞ ոչ․․․ Հուլիսի 7-ին նիստ նշանակելն իր մեջ ինչ-որ ազդակ է պարունակում, որը լավ նորություն չէ անկախ դատական իշխանության տեսանկյունից»։