«Ժողովրդավարությունը պատգամավորներին ղազագիր գրել տվող կուսակցությունների հույսին չի կարող մնալ». ՀՀ վարչապետ

«Էդ չհասկացա, ինչի՞ պտի կառավարությունը լինի 100 տոկոսով թափանցիկ, իսկ մյուսները պետք ա չլինեն, էդ որտեղ ա՞ գրված»,- ԱԺ-ում ասաց ՀՀ վարչապետ Նիկոլ Փաշինյանը՝ անդրադառնալով Էդմոն Մարուքյանի հայտարարություններին:

«Էդ ժողովրդավարությունը մեզնի՞ց եք պաշտպանում: Ո՛չ, պետք ա ժողովրդավարությունը պաշտպանենք ոմանցից, որովհետև ժողովրդավարությունն ամենաթողություն չի: Ժողովրդավարությունը պատգամավորներին ղազագիր գրել տվող կուսակցությունների հույսին չի կարող մնալ: Ասում եք՝ քաղաքական հետապնդում։ Էդ որտե՞ղ եք տեսել, որ քաղաքական հետապնդման զոհին դատարանը հրաժարվի կալանք տալ: Բա էդ մեզ ինչի՞ չէին հրաժարվում կալանք տալ: Բա ասեին՝ չէ, չենք կալանավորում: Վզները կոլորեին 5 րոպեում, սեղանի տակից դուրս չէին գա: Առավոտից իրակուն ճամարտակում եք հակակշիռների և փոխզսպումների մասին: Հակակշիռն ու փոխզսպումը 4 ակնանի տրակտո՞ր ա, թե՝ հեծանիվ: Էստեղ կա ուրիշ պրոբլեմ, պետք ա հասկանանք, թե էդ դատավորներն ովքեր են: Էլի եմ ասում, մենք ապօրինի ազդեցություններից հրաժարվում ենք դատական համակարգի նկատմամբ, բայց դա նշանակում ա, որ հին ազդեցության համակարգը պիտի շարունակի գործե՞լ, ոչ չի՛ գործելու»,- ասաց Նիկոլ Փաշինյանը: