«Ադրբեջանն արհամարհում է իր իսկ ստանձնած միջազգային բոլոր պարտավորությունները». Նաիրա Զոհրաբյան
 326 Երեքշաբթի, 14 հուլիսի, 2020 թ., 16:45 ԱԺ ԲՀԿ խմբակցության պատգամավոր, ԱԺ մարդու իրավունքների և հանրային հարցերի մշտական հանձնաժողովի նախագահ Նաիրա Զոհրաբյանը ֆեյսբուքյան իր էջում գրել է. «ԵԱՀԿ ԽՎ հարգարժան նախագահ Գեորգի Ծերեթելի, ԵԽԽՎ հարգարժան նախագահ Ռիկ Դեմս, ԵԽ Մարդու իրավունքների հարգարժան հանձնակատար Դունյա Միատովիչ Ինչպես արդեն տեղեկացված եք, հուլիսի 12-ից ԵԽ անդամ Ադրբեջանի զինուժը հետևողականորեն, տարբեր տրամաչափի զենքերից հրետակոծում է Հայաստանի Հանրապետության հյուսիսարևելյան սահմանային բնակավայրերը։ Նշանակետի տակ են Տավուշի մարզի բնակավայրերը, որոնք ահա արդեն երկու օր է ադրբեջանական կրակահերթերի նշանառության տակ են, և գնդակոծությունն իրականացվում է այնպիսի եղանակով, ինչն իրական սպառնալիք է քաղաքացիական բնակավայրերին, բնակիչների առողջությանն ու կյանքին, նրանց սեփականությանը: Սահմանամերձ Մովսես գյուղի հրետակոծության հետևանքով վնասվել է բնակելի տուն, որտեղ այդ պահին եղել են չորս անչափահաս երեխաներ, իսկ այսօր սահմանին հակառակորդի արձակած կրակից ՀՀ ԶՈւ երկու զինծառայող է զոհվել: Այսօր առավոտից ադրբեջանական զինուժը հարվածային ԱԹՍ-ով թիրախավորել է Տավուշի մարզի Բերդ քաղաքի քաղաքացիական ենթակառուցվածքները՝ վտանգելով խաղաղ բնակչության կյանքն ու առողջությունը։ Ռազմական այս սադրանքներն Ադրբեջանի քաղաքական ղեկավարության հետևողական ռազմատենչ հռետորաբանության շարունակությունն են, ինչը լրջորեն խախտում է միջազգային իրավունքի բոլոր հիմնարար սկզբունքները։ Ադրբեջանը հետևողականորեն արհամարհում է իր իսկ ստանձնած միջազգային բոլոր պարտավորություններն ու իր իսկ ստորագրած կոնվենցիաները՝ շարունակելով թիրախավորել խաղաղ բնակավայրերն ու խաղաղ բնակիչներին։ Ուզում եմ նաև ընդգծել, որ նմանօրինակ ռազմական սադրանքներով Ադրբեջանն անտեսում է նաև ՄԱԿ-ի գլխավոր քարտուղարի՝ համավարակով պայմանավորված աշխարհի բոլոր անկյուններում ռազմական գործողություններից զերծ մնալու կոչը։ ԵԱՀԿ ԽՎ հարգարժան նախագահ, ԵԽԽՎ հարգարժան նախագահ, ԵԽ Մարդու իրավունքների հարգարժան հանձնակատար, ձեր հատուկ ուշադրությունն եմ հրավիրում Ադրբեջանի սադրիչ գործողություններին, քանզի իրավիճակի լարման հետևանքների ողջ պատասխանատվությունը կրելու է բացառապես Ադրբեջանի ռազմաքաղաքական ղեկավարությունը»։ |
«Իշխանական քարոզչամեքենաներով տարածվող լուրերն ինձ լռեցնելու նպատակ են հետապնդում». Միհրան Մախսուդյան
204Երեկ, 22:00
«Նիկոլը լավ գիտի՝ ամենամանր «ճայթյունից» ինչ «հրդեհ» կարող է բռնկվել, ուստի բնում խեղդում է յուրաքանչյուր դրվագ». Արմեն Հովասափյան
123Երեկ, 20:54
«Սրբազան Պայքարը շարունակվում է, քանի գոյություն ունի գոնե մեկ արժանապատիվ հայ մարդ». Լիդյա Մանթաշյան
209Երեկ, 20:42
«ՀԷՑ-ի պետականացման որոշումը ճիշտ ռազմավարական քայլերից մեկն է». Սեդա Աղբալյան
270Երեկ, 18:56
«Իշխանությունը թիրախավորել է ազնվականությունը և մասնավոր սեփականության իրավունքը». Վարդան Բալյան
269Երեկ, 18:42
«Միեւնոյն զօրակցութիւնը կը ցուցաբերէի՞ք Հռոմի Պապին նկատմամբ որեւէ նման արտայայտութեան». ՀՅԴ
156Երեկ, 18:18
«Եթե ամեն ինչ բացահայտել էր Աբազյանը, ինչո՞ւ հեռացրեցիք»․ Էլինար Վարդանյան
194Երեկ, 17:36
«Աշխարհում չկա պետություն, որը լիարժեք ինքնիշխան որոշումներ է կայացնում»․ Սուրեն Սարգսյան
179Երեկ, 17:30