Չորեքշաբթի, 09 սեպտեմբերի, 2026 թ.
|
Ստեփանակերտում`   +18 °C

Բնապահպանները զգուշացրել են պաշտպանիչ դիմակների վտանգի մասին

Բնապահպանները զգուշացրել են պաշտպանիչ դիմակների վտանգի մասին
2559
Ուրբաթ, 24 հուլիսի, 2020 թ., 00:15

Մեկանգամյա օգտագործման բժշկական դիմակները կարող են դառնալ շրջակա միջավայրի աղտոտման նոր գործոն, հաղորդում է ճապոնական «Կիոդո» գործակալությունը։
Պարբերականը ներկայացնում է բնապահպանների տվյալները՝ աշխարհի տարբեր ծայրերից։ Դրանք վկայում են այն մասին, որ Ճապոնիայի, Թուրքիայի, Ֆրանսիայի և եվրոպական այլ երկրների շրջակա միջավայրում բժշկական թափոնների քանակն ավելացել է։ Դիմակներ և ձեռնոցներ են նետվում ինչպես ծովի ափի երկայնքով, այնպես էլ ջրի մեջ։
Ֆրանսիացի բնապահպանները մտավախություն են հայտնել, որ շուտով ծովում ավելի շատ դիմակներ կլինեն, քան մեդուզաներ։ OceansAsia կազմակերպության տվյալներով՝ դիմակներ հայտնաբերվում են ոչ միայն ափերի երկայնքով, այլև ձկնորսական ցանցերում՝ մեկ այլ աղբի հետ միասին:
«Մեկ դիմակի միկրոպլաստիկայի մասնիկների քայքայման համար հարյուրավոր տարիներ են պահանջվում։ Այդ մասնիկներն այժմ հայտնաբերվում են սննդի մեջ օգտագործվող ձկներում, ինչպես նաև ծովային աղերում»,- նախազգուշացրել է կազմակերպությունը:
OceansAsia-ն խորհուրդ է տալիս հնարավորինս օգտագործել բազմակի օգտագործման դիմակներ:

Կարդացե՛ք նաև