Չընդունված դիմորդներն ու նրանց ծնողները հայց են ներկայացրել Վարչական դատարան

«Վարչական դատարան փոստային ծառայության միջոցով մուտքագրված է երկու հայցադիմում, ընդ որում այդ հայցադիմումները մնացել են երկու դաշտում․ առաջին հայցադիմումով պահանջում ենք անվավեր ճանաչել դիմորդների նկատմամբ կիրառված կառավարության որոշումը։ Այս հայցը չի լուծում դիմորդների խնդիրը։ Սրանով ՀՀ կառավարությանը փորձում ենք ցույց տալ, որ պայքարն արդար է եղել, և դիմորդների նկատմամբ կիրառվել է ոչ իրավաչափ որոշում։ Երկրորդ հայցով պահանջում ենք փաստաբանական թիմին լիազորած դիմորդների նկատմամբ որոշումը ճանաչել անվավեր և ռեաբիլիտացնել նրանց»,- այս մասին այսօր լրագրողների հետ զրույցում հայտարարեց «Պահանջատեր դիմորդ» նախաձեռնության փաստաբանական խմբի ղեկավար Ալեքսանդր Կոչուբաևը։