Հինգշաբթի, 24 սեպտեմբերի, 2020 թ.
|
Ստեփանակերտում`   +17 °C

«Ուզում եմ, որ չգերագնահատվի Ռուսաստանի դերը մեր պատմության մեջ». Լյովա Եղիազարյան

«Ուզում եմ, որ չգերագնահատվի Ռուսաստանի դերը մեր պատմության մեջ». Լյովա Եղիազարյան
106
Հինգշաբթի, 06 օգոստոսի, 2020 թ., 04:05

«Հանրապետություն» կուսակցության անդամ Լյովա Եղիազարյանը ֆեյսբուքյան իր էջում գրել է. «Հայոց պատմության չափորոշիչների առանցքը պետք է լինի ներկայացնել պատմական ճշմարտությունը, ինչքան էլ այն դառը լինի և այն մատուցել աշակերտին:
Պատմություն կեղծելը հանցագործություն է:
Ուզում եմ, որ ճշմարտությունը գրվի Վասակի և Վարդանի մասին, Պապ թագավորի և Բագրատունյաց թագավորության անկման մասին, Թուրքմենչիայի պայմանագրի և Թուրքահայաստանի մասին դեկրետի պատմական նշանակության մասին, առաջին համաշխարհային պատերազմում մեր քաղաքական կուսակցությունների գործունեության մասին:
Ուզում եմ, որ չգերագնահատվի Ռուսաստանի դերը մեր պատմության մեջ՝ ներկայացնելով նրան մեր փրկիչը:
Ուզում եմ, որ պատմությունը գրվի առանց ավելորդ պաթոսի՝ ճշմարիտ և զուսպ»: