Սահարա անապատի ընդլայնումը կանխելու համար Աֆրիկայում կառուցում են «Մեծ կանաչ պատ»
1606 Ուրբաթ, 07 օգոստոսի, 2020 թ., 04:05 «Մեծ կանաչ պատ» նախագիծը (The Great Green Wall) ստեղծվել է Աֆրիկայում կլիմայի փոփոխություններին և Սահարա անապատի արագ ընդլայնման դեմ պայքարելու նպատակով: Այս մասին գրում է SCIENCE & TECHNOLOGY-ն՝ հավելելով, որ վերջին 100 տարվա ընթացքում անապատն ընդլայնվել է շուրջ 10%-ով։ Մասնագետները հույս ունեն, որ այս նախագծի օգնությամբ կկարողանան կասեցնել հողերի անապատացումն ու կենսաբազմազանության ոչնչացումը։ Սկզբնապես նախագծի հեղինակները պլանավորել էին Սահարայի հարավային սահմանի ամբողջ երկայնքով՝ 7775 կմ երկարությամբ և 15 կմ լայնությամբ տնկել ծառերի մի շերտ։ Սակայն ծրագիրն արագորեն ընդլայնվեց և վերածվեց մի շարք գործողությունների, որոնք ուղղված են տարածաշրջանի կայունությանն ու զարգացմանը, էկոլոգիական իրավիճակի կարգավորմանը, կենսապայմանների բարելավմանն ու պարենային անվտանգությանը։ Պատն ստեղծվում է միաժամանակ մի քանի ուղղություններով, որոնցից հիմնականը ծառեր և թփեր տնկելն է, ինչպես նաև՝ այն բույսերի խնամքը, որոնք չեն կարող գոյատևել առանց մշտական խնամքի։ Նախագծի վրա աշխատում է Աֆրիկայի 21 երկիր։ Թեև իրականացվել է նախատեսված աշխատանքների միայն 15%-ը, այնուամենայնիվ, մասնագետները նշում են, որ տարածաշրջանում էկոլոգիական իրավիճակն էապես փոխվել է, դեգրադացված հողն արագորեն վերականգնվում է, օրինակ, Նիգերիայում վերականգնվել է մոտ 5 միլիոն հեկտար քայքայված հող։ Անապատացման դեմ պայքարի այս փուլում նկատվել է նաև տեղումների քանակի որոշակի աճ։ Մեծ կանաչ պատի կառուցումը նախատեսվում է ավարտին հասցնել մինչև 2030 թվականը։ Այսուհանդերձ, ըստ փորձագետների, 2007 թվականին մեկնարկած այս նախագիծն այժմ վտանգված է՝ պայմանավորված ջրի սակավության, իսկ որոշ դեպքերում՝ բացակայության հետ։ |
«Ադրբեջանի ռազմական ագրեսիան հանգեցրել է լուրջ բնապահպանական խնդիրների». Եղիշե Կիրակոսյանը՝ Հաագայում
47315.04.2024, 21:24Վերջին տասնամյակներում առաջին անգամ Վայոց Ձորում սև անգղի բույն է հատնաբերվել
58910.04.2024, 21:36Ուրալ գետի մակարդակը մեկ օրում բարձրացել է 81 սմ-ով (տեսանյութ)
124810.04.2024, 10:30Ապրիլի 10-ին առանձին գետերում հնարավոր են ջրի վտանգավոր ելքեր
64209.04.2024, 13:30«Ալավերդու ծառերի խորը էտը մտահոգիչ է»․ Օլեգ Դուլգարյան (լուսանկար)
56807.04.2024, 13:48«Նայեք, թե ինչպիսի տեսք ունի 95% կպչողականությունը»․ Էդուարդ Հայրումյան (տեսանյութ)
66706.04.2024, 11:18«Հետո եկան «աննախադեպերն» ու «հնձեցին» ծառերը»․ Քրիստինա Վարդանյան (տեսանյութ)
73803.04.2024, 17:24«Ծառերի արմատները չորացնում են, տնկարանից «գեղազարդով» փոխում». Քրիստինա Վարդանյան (լուսանկար)
79102.04.2024, 19:54