Սկանդալ Իտալիայում. 5 պատգամավոր դիմել է կորոնավիրուսից տուժածների համար նախատեսված նպաստ ստանալու համար

1361

Երեքշաբթի, 11 օգոստոսի, 2020 թ., 16:50

Իտալացի հինգ պատգամավորներ ստացել են կորոնավիրուսային համավարակի տնտեսական հետևանքներից տուժած քաղաքացիների համար նախատեսված պետական աջակցության գումարները, որը կազմում է 600 եվրո, հայտնում է La Repubblica-ն:

Պատգամավորները դիմել են սոցիալական ապահովության և կենսաթոշակի հարցերով գործակալությանը: Նպաստ ստացած պատգամավորների անունները, սակայն, չեն նշվում: Խորհրդարանական բոլոր կուսակցությունների ղեկավարներն արդեն դատապարտել են իրենց անհայտ գործընկերների քայլը։

Երկրի արտգործնախարարը և «Հինգ աստղերի շարժում» կուսակցության առաջնորդներից մեկը՝ Լուիջի դի Մայոն, նշել են, որ այդ պատգամավորների անունները պետք է հայտնի դառնան, որից հետո նրանք պետք է ներողություն խնդրեն համաքաղաքացիներից և լքեն իրենց պաշտոնները: