«Մոռացե՛ք այդ սին պատրանքների մասին». Կարպիս Փաշոյան

Հրապարակախոս Կարպիս Փաշոյանը ֆեյսբուքյան իր էջում գրել է. «Նիկոլ Փաշինյանի կառավարությունից պետք չի ֆունդամենտալ բարեփոխումներ ակնկալել, մոռացե՛ք այդ սին պատրանքների մասին։ Նրանք պարզապես անկարող են գնալ մեծ փոփոխությունների և ոչ էլ այդպիսի առաքելություն ունեն։
Երբ ժամանակը գա, Փաշինյանը պետք է չափազանց մեծ ծառայություն մատուցի Հայաստանին, որն է՝ ժողովրդավարական ընտրությունների միջոցով իշխանության խաղաղ և անցնցում փոխանցումը։ Եվ հենց սա կլինի նրա ամենամեծ ռեֆորմը պետության և հանրության համար։
Իսկ մինչ այդ պետք է հանդուրժենք նրանց՝ ունենալով այն գիտակցումը, որ սխալ իշխանափոխությունը ճանապարհ է դեպի անխուսափելի բելառուսացում։
Հավատացնում եմ, Հայաստանի քաղաքացիները դատապարտված չեն հավերժ ընտրություն կատարել քաղաքական հանցագործների և քաղաքական անմեղսունակների միջև»: