«Թուրքերը նշում են Արևմտյան Հայաստանը գրավելու 949-ամյակը». Նաիրի Հոխիկյան

399

Երեքշաբթի, 25 օգոստոսի, 2020 թ., 21:00

Միջէթնիկ հակամարտությունների փորձագետ Նաիրի Հոխիկյանը ֆեյսբուքյան իր էջում գրել է. «Թուրքերը նշում են Արևմտյան Հայաստանը գրավելու 949-ամյակը.

1071թ. օգոստոսի 19-ին Մանազկերտի ճակատամարտում սելջուկ թուրքերը կարողացան հաղթել բյուզանդացիներին ու գրավել Արևմտյան Հայաստանը: Այսօր թուրքական իշխանությունը մեծ շուքով է նշում այդ իրադարձությունը, քանի որ Բիթլիսի ու Մուշի գրավումով սելջուկները կարողացան Բյուզանդիայից խլել հայկական տարածքները և այդկերպ հիմք դնել թուրքական պետականության:

Հիշենք, որ 1071-ից ընդամենը 26 տարի առաջ՝ 1045թ., երբ Բագրատունյաց Հայաստանի Գագիկ Երկրորդ թագավորը Բյուզանդիային համոզում էր միավորել ուժերն ու պայքարել ընդհանուր թշնամու դեմ, Հայոց Պետրոս Գետադարձ կաթողիկոսը բյուզանդացիներին դավադրաբար հանձնեց մայրաքաղաք Անիի բանալիները՝ այդկերպ դառնալով հայոց պետականության կործանման և մեր պատմական հողերը թուրքերին հանձնելու պատճառ»: