«Հաջիևն ուշ գլխի ընկավ իր հրապարակած լուսանկարում թուրք զինվորների արձանագրվելու մասին». Հակոբ Բադալյան

Քաղաքական մեկնաբան Հակոբ Բադալյանը ֆեյսբուքյան իր էջում գրել է. «Էրդողանի մահապարտի աշխատակազմի պաշտոնյա Հիքմեթ Հաջիևի՝ Գանձակից լուսանկարների հրապարակումը, իսկ հետո արագ հեռացնելը պայմանավորվում է նրանով, որ ուշ գլխի ընկավ դրանցում թուրքական զինվորների արձանագրվելու մասին: Համարձակվեմ դիտարկել այլ վարկածով: Հաջիևը ուշ է գլխի ընկել, բայց թերևս այլ բան: Հաջիևն, ըստ ամենայնի, ուշ է գլխի ընկել, թե Էրդողանի մահապարտ դարձած իր շեֆն ինչի մեջ է հայտնվել և ինչի մեջ է գցել իրենց: Հիմա հաջիևները, թերևս, որոնում են ելքեր՝ Թուրքիայից որևէ կերպ ազատվելու, ու այդ համատեքստում փորձում են հնարավորինս «մատնել» Թուրքիային: Թեև այն մատնված է, իհարկե, առանց դրա էլ, և գուցե նվազագույնը փորձ է արվում ինչ որ «ալիբի» ձեռք բերել հետագայի համար»: