«Բոլորը գիտեն՝ ով է փորձում իր անձնական, քաղաքական շահերն այս պատերազմի շնորհիվ «տաքացնել»». Ալեն Սիմոնյան

ԱԺ փոխնախագահ Ալեն Սիմոնյանը լրագրողների հետ ճեպազրույցի ժամանակ անդրադառնալով վարչապետի գրառմանը, որ զինվորներին համոզել են՝ «Նիկոլը հողերը ծախել է...», և պատասխանելով հարցին, թե ո՞ր շրջանակների կողմից կարող է լինել դա, ասաց. «Չեմ կարող այդ հարցը մեկնաբանել. այս պահին քննություն է ընթանում: Վստահեցնում եմ, որ շատ շուտով մենք կիմանանք հստակ անուններ և կտեսնենք գործողություններ, բացի այդ՝ բավականաչափ ինֆորմացիա կլինի: Դրանից զատ՝ մեր համաքաղաքացիները հոյակապ գիտեն, թե ինչի մասին է խոսքը, ում մասին է խոսքը, ով է փորձում իր մանր, անձնական, քաղաքական շահերն այս պատերազմի շնորհիվ տաքացնել և առաջ տանել»: