«Նախկինում Մեղրիի երկաթգծի քանդելն այսօր մեծ վնաս է հասցրել մեր անվտանգային համակարգին». Ա. Քոչարյան

«Հակառակորդի հիմնական հարվածային ուղղությունը հարավն էր, իսկ հարավի հեռահար նպատակը գոնե Թուրքիայի համար Մեղրին էր։ Երբ որ Մեղրիի խնդիրը ինչ-որ փուլում Ռոբերտ Քոչարյանի կողմից դարձավ բանակցային թեմա, դա խոսում էր այն մասին, որ Մեղրիի նկատմամբ ռազմական կարողությունները պետք է լինեն շատ ամուր։ Մեղրիի երկաթգծի կամուրջների պայթեցումներով մենք փորձեցինք մեկուսացնել այդ հատվածը՝ հնարավոր ռազմական թափանցումներից»,- այսօրվա ճեպազրույցում ասաց Ազգային ժողովի պաշտպանության և անվտանգության հարցերի հանձնաժողովի նախագահ Անդրանիկ Քոչարյանը՝ միաժամանակ նկատելով, որ երկաթգծի քանդելը, այնուամենայնիվ, շատ մեծ վնաս է հասցրել մեր անվտանգային կոմունիկացիոն համակարգին։
«Դեռ կանդրադառնանք, թե այդ երկաթգծի ամբողջ համակարգն ինչու ոչնչացվեց։ Արդյո՞ք այդ համակարգի ոչնչացումը չէ, որ հնարավորություն է տալիս նաև հակառակորդի զրահամեքենաներին ավելի արագ հասնել այն նշանակետերին, որոնք մեր հարավային մատույցները դրեցին վտանգի տակ»,- նկատեց Անդրանիկ Քոչարյանը։