«Փաշինյանը որոշել է՝ չկարողացավ թուրքերի առջև վճռական լինել, ուրեմն վճռական կլինի իր ստորագրած թղթի չեղարկումը պահանջող ուժերի հանդեպ». Նարինե Դիլբարյան

«Ժառանգություն» կուսակցության նախագահ Նարինե Դիլբարյանը ֆեյսբուքյան իր էջում գրել է. «Հենց հիմա Ազատության հրապարակում ՀՀ ոստիկանություն կոչվող ուժերը հատուկ ջոկատայինների շարքերով առաջինը քարշ տվին հայոց եռագույնը բարձր պահած ու խաղաղ կանգնած Սասանա ծռերին և նրանց համակիրներին՝ նրանց ըանելով դեռ անհայտ ուղղությամբ:՝ ՀՀ պետական դրոշը խլելով և կոպտությամբ ծալելով: Ռոբերտ Քոչարյանից մինչև Սերժ Սարգսյան ու Նիկոլ Փաշինյան սա է ուժայինների պահվածքը, այդ հաղթանդամ կուշտուկուռ ջոկատայինները, որ թուրքին երբեք չեն շրջապատի, երթը չեղարկող քաղաքական ուժի ներկայացուցիչներին որոշեցին ցույց տալ իրենք եղկելի ուժը: Չկա Հայաստանում ժողովրդավարություն, Փաշինյանը որոշել է՝ չկարողացավ թուրքերի առջև վճռական լինել, ուրեմն վճռական կլինի իր ստորագրած թղթի չեղարկումը պահանջող ուժերի հանդեպ, բոլորին բերման կենթարկեն, ու ինքը կշարունակի իշխանավարել, տեսել ենք այդպես կարծող տարբեր նախագահների ու վարչապետերի, նրանց ճակատագիրն էլ: