«Գագիկ Ծառուկյանին նորից տանում են ԱԱԾ»․ Իվետա Տոնոյան

«Ծնկի իջիր և ներողություն խնդրիր հայ ժողովրդից, ներողություն խնդրիր Արցախի ժողովրդից ու հրաժարական տուր»,-Ազատության հրապարակի բեմահարթակից հայտարարեց ԲՀԿ-ական պատգամավոր Իվետա Տոնոյանը՝ դիմելով վարչապետ Նիկոլ Փաշինյանին։

Նա ասաց, որ այս պահին էլ ուժային մարմինները Գագիկ Ծառուկյանին տանում են ԱԱԾ․ «Դու կրկին վախկոտի նման պատսպարվում ես ուժայինների թիկունքում, ոստիկանների թիկունքում։ Հենց հիմա ՀՔԾ-ից «Բարգավաճ Հայաստանի» պատգամավորներին ու անդամներին ծանուցագրեր են ուղարկում․․․ Եթե դու չես գալու այստեղ, եթե չես նայելու ժողովրդի աչքերին՝ Նիկո՛լ, ուրեմն դու գոյություն ունենալու իրավունք չունես»,-ասաց Տոնոյանը։