Ո՞րն է Արցախի հարցում վարչապետի «սեփական կետը»

Լրագրողը առցանց ասուլիսի ժամանակ ՀՀ վարչապետից հետաքրքրվել է, թե ինչ նկատի ուներ նա, երբ հայտարարում էր, որ ԼՂ-ի շուրջ բանակցությունները սկսելու է «սեփական կետից» և ո՞րն է հիմա այդ սեփական կետը բանակցություններում։

«Հայաստանի կառավարությունը Լեռնային Ղարաբաղի շուրջ բանակցային գործընթացում պետք է կենտրոնանա ԼՂ-ի կարգավիճակի հարցի վրա...: Ամենակարևոր խնդիրը, որ Լեռնային Ղարաբաղի ժողովուրդը պետք է ապրի Լեռնային Ղարաբաղում, և ԼՂ-ի կարգավիճակի հարցը մեզ համար նոր սրությամբ ու նոր կարևորությամբ պետք է դրվի բանակցային գործընթացի հիմքում , ինչպես նաև պետք է բարձրացվեն հումանիտար, կոմունիկացիոն և տրանսպորտային հարցերը»,- ասաց վարչապետը։