Դատախազությունում բունտ է հասունանում. Արթուր Դավթյանը հավատարիմների խումբ է ձևավորել. «Հրապարակ»

«Հրապարակ» թերթը գրում է. «Դատախազությունում բունտ է հասունանում. մի շարք դատախազներ հրաժարվում են մասնակից դառնալ վերջին օրերին հարուցված քրեական գործերով քննություններին, քանզի հասկանում են, որ դրանք քաղաքական հետապնդումներ են, և վաղ թե ուշ ստիպված են լինելու պատասխան տալ դրա համար։

Տեղեկություններ կան, որ գլխավոր դատախազ Արթուր Դավթյանը հավատարիմների խումբ է ձևավորել, որի կազմում են նրա տեղակալ Գևորգ Բաղդասարյանը, Կոտայքի դատախազ Պետրոս Պետրոսյանը, ՀՔԾ նկատմամբ հսկողություն իրականացնող բաժնի պետ Արսեն Մարտիրոսյանը, որոնք իրենց վրա պետք է վերցնեն այդ գործերով դատախազների լիազորությունը։

Սրա ապացույցն էլ այն է, որ նախօրեին Գևորգ Բաղդասարյանն անձամբ էր ներկայացել դատարան և մասնակցել Նիկոլ Փաշինյանի սպանության ենթադրյալ նախապատրաստման գործով ձերբակալման որոշումների իրավաչափության դեմ պաշտպանների ներկայացրած բողոքների քննությանը»:

Մանրամասները՝ թերթի այսօրվա համարում: