«Արարատ Միրզոյանի դեպքը նման էր Վահե Ավետյանի սպանությանը»․ Անդրանիկ Քոչարյան

ՀՀ ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանն այսօր՝ ԱԺ-ում նիստի ժամանակ անդրադարձավ նոյեմբերի 10-ին ԱԺ և կառավարության շենքեր ներխուժած անձանց դեպքին:

«Երբ գնացի Արարատ Միրզոյանին տեսա, անվտանգության աշխաակիցներ ասում էին՝ Արարատն ընկած էր, մենք նրանց ասում էինք՝ էլ մի խփեք, ինքը մահացած ա, բայց նրանք շարունակում էին խփել․․․: Դա նման էր Վահե Ավետյանի սպանությանը, երբ որ հրահանգվել էր կոնկրետ ֆորս մաժոր ստեղծել՝ մարդկանց սպանելով․․․: Հոկտեմբերի 27-ն էլ էր այդպես»,- նկատեց Քոչարյանը։

Հիշեցնենք, որ 2012 թ․հունիսի 17-ին «Հարսնաքարում» անվտանգության աշխատակիցների կողմից ծեծի արդյունքում մահացել էր ռազմական բժիշկ Վահե Ավետյանը։