Հինգշաբթի, 03 դեկտեմբերի, 2020 թ.
|
Ստեփանակերտում`   +4 °C

«Էլ ի՞նչ դավաճան եք ման գալիս, եթե կա կատաստրոֆիկ ոչ կոմպետենտությունը և ինքնասիրահարվածությունը». Հայկ Բալանյան

«Էլ ի՞նչ դավաճան եք ման գալիս, եթե կա կատաստրոֆիկ ոչ կոմպետենտությունը և ինքնասիրահարվածությունը». Հայկ Բալանյան
168
Հինգշաբթի, 19 նոյեմբերի, 2020 թ., 21:45

Քաղաքագետ Հայկ Բալանյանը ֆեյսբուքյան իր էջում գրել է. «Ես դավաճանությանը չեմ հավատում:
Ես հավատում եմ քննությամբ հաստատված փաստերին ու դատարանի վճռին:

Ընդ որում այդ իմ համոզմունքը վերաբերվում է բոլոր կողմերին:
Մեկն ասում է, թե Սերժն ու Ռոբերտն են հանձնել, մյուսը Նիկոլը:
Օք:
Արեք քննություն ու դատարանի վճիռ փաստերի վրա հիմնված:
Ապացույցնե՛ր բերեք, դատեր, ձերբակալվածներ:
Դե՛ ձեզ տեսնեմ:

Բա մի հատ ընդդիմադիր Նիկոլ չլինե՞ր, դրա մասին խոսար:

Իսկ իրականությունը լրիվ այլ է:

Եթե մարդը, որ չի ծառայել, ռազմական արվեստից ու գործից խաբար չի ու մի բան չի կարդացել, որոշում է ինչ զենք առնել ու ինչպես պատերազմել, ապա դա խնդիր է ստեղծում:

Եթե ցեխավիկը՝ Արայիկ Հարությունյանն իր ազգական-սեղանակիցներին գնդի հրամանատար է տալիս, դա խնդիր է:

Եթե Գերագույնը կնգան չի կարող բռի մեջ պահել ու որպես զինվորականների գլխին սմատրյաշչի է նշանակում՝ դա խնդիր է:

Եթե ինչ-որ գործիչներ ասում են, որ չի կարելի Արցախը ճանաչել, գազատարին խփել, երկաթուղին կտրել, զորք տեղափոխել, մոբիլիզացիա անել, որովհետև միջազգային հանրությունը դա չի հասկանա, ու իրենց ղեկավարությունը հավատում է, իսկ ուրիշներին՝ ոչ... Դա խնդիր է:

Էլ ի՞նչ դավաճան եք ման գալիս, եթե կա կատաստրոֆիկ ոչ կոմպետենտությունը, ինքնասիրահարվածությունը ու պարզ самодурство?

Չնայած, օրինակ, բարձր կլասի հետախուզությունն, ուսումնասիրելով անձի հոգեբանական կերտվածքը ու հասկանալով, որ այդ անձն ամեն ինչ կտապալի, կարա այդ մարդուն սատարի ու օգնի գալ իշխանության: Այդ անձը ինքը ամեն ինչ կանի:

Չինական ստրատագեմաներից մեկում նկարագրված է, թե ինչպես մի զորավար անընդհատ գովում էր ու իբր վախենում էր հակառակորդի մի զորավարից, իմանալով, որ նա բացառիկ անտաղանդ է: Թշնամի պետության արքան, լսելով դա՝ այդ ապաշնորհին նշանակում է հրամանատար, ու այն բարեհաջող տապալում է ամբողջ պատերազմը:

Դավաճանությունն ի՞նչ է:
Փողով կամ ինչ-որ հակազգային հաշվարկներով ընդդեմ սեփական պետության գործելը:

Իսկ եթե մարդը չի՞ հասկանում, որ ինքնը ապաշնորհ է, ընդդեմ է գործում, որ իր ամեն օր մնալը վնաս է, ու ինքը միայն կարա խորացնի ավիրածությունը ու ոչինչ լուծել չի կարող:

Դե բա դեմներս ինձնից ավելի վատն են:
Բոլորն էլ այդ տրամաբանությամբ էին իշխանությանը կառչել. «Մենք լավը չենք, բայզ մեզնից լավը չկա»: Գալուստ Սահակյանի բառերն եմ հիշում:

Իսկ ո՞վ է ասել, որ ձեզնից լավը չկա, եթե ձեր քթի տակինը չտեսաք, չհասկացաք ու չարժեվորեցիք, դավաճան էիք ման գալիս զինվորականների մեջ ու բանակում, որ հանկարծ ձեզնից լավը ի հայտ չգա:

Այս սարքած սիստեմում, ոչ մի ոլորտում ղեկավարից լավը ի հայտ չի գա, իհարկե: Միայն մի քանի գլուխ վերադասից վատը պիտի լինի, որ վտանգ իշխանությանը չներկայացնի:
Ու ըտենց ուզում ենք այդ կատաստրոֆայից իբր դուրս գանք»: