«Ադրբեջանը ԵՄ-ի հիմնական առևտրային գործընկերն է Հարավային Կովկասում». Ալիև

Ադրբեջանը Եվրոմիության հիմնական առևտրային գործընկերն է Հարավային Կովկասում։

Նախագահ Իլհամ Ալիևն այս հայտարարությունն արել է Եվրոհանձնաժողովի նախագահ Ուրսուլա ֆոն դեր Լեյենի հետ համատեղ մամուլի ասուլիսում։

«Այսօր ԵՄ տասն անդամ պետություններ գազ են ներմուծում Ադրբեջանից, և կա այդ աշխարհագրությունն ընդլայնելու ներուժ»,- ընդգծել է Ադրբեջանի նախագահը։

Այսօր էներգետիկ անվտանգությունը յուրաքանչյուր երկրի ազգային անվտանգության կարևոր գործոն է, ասել է Իլհամ Ալիևը։

«Ադրբեջանը զգալի քաղաքական և դիվանագիտական ​​ջանքեր է գործադրել և զգալի ֆինանսական միջոցներ է ներդրել իր նավթի և գազի պաշարները Եվրոպա տեղափոխելու համար անհրաժեշտ ենթակառուցվածքներ ստեղծելու համար։ Հարավային գազային միջանցքը մեր համատեղ ջանքերի արժանի օրինակ է», - նշել է պետության ղեկավարը։

Իլհամ Ալիևի խոսքով, Ադրբեջանով անցնող բեռների ծավալները ներկայումս աճում են բոլոր ուղղություններով։

«Մենք զգալի ներդրումներ ենք կատարել տրանսպորտային ենթակառուցվածքների նախագծերում՝ ինչպես Ադրբեջանում, այնպես էլ հարևան երկրներում, և այս աշխատանքը շարունակվում է»,- ընդգծել է պետության ղեկավարը։