«Ազերները ժամերի ընթացքում ցանկացած տարածք յուրացնում ու կահավորում են, մենք օրերով թիթեռ ենք նկարում». Սարգիս Հովսեփյան

Գրող Սարգիս Հովսեփյանը ֆեյսբուքյան իր էջում գրել է. «Մնացածը իր հերթին, բայց էն Սյունիքի կողմերը գոնե նորմալ, գործից հասկացող զինվորականներ ուղարկեք /իրոք գործից հասկացող ու լուրջ մարդիկ, ոչ թե մարած աբլիգացիաներ/, արագ սկսեն ճիշտ ենթակառուցվածքներ ու բնագծեր կահավորել, հնարավորինս ի օգուտ ՀՀ-ի, խոսքը Արաքսից մինչև Դավիթ Բեկ ամբողջ գծի մասին ա: Եթե դա դառնալու ա պետական սահման, տեղ շատ լուրջ ու արագ աշխատանքներ ա պետք տանել: Թուղթ ստորագրելուց 10 օր ա անեցել, նենց տպավորություն ա, կարծես շտապելու բան չկա: Կապանի հատվածում մի մասը որոշ գյուղերի բնակիչների ու կամավորականների վրայա ծանրաբեռնվածությունը, բայց ամենայն հարգանքով, նրանք արդյունավետ չեն ու վստահելի չեն: Գիտեմ ինչ եմ ասում ու բանակում էլ գիտեն: Ես ինքս էլ եմ կամավորական եղել: Օրինակ գյուղացիք միաժամանակ տնտեսություն վարելով ու դիրք պահելով ոչ մեկն են լիարժեք անում, ոչ մյուսը, օբյեկտիվորեն չեն կարող: Կամավորների մոտ էլ կարգապահությունն ա թույլ: Կարճ ասած՝ բանակ ա պետք: Մեղրիի կողմն ընդհանրապես վատ ա վիճակը, քանի որ բնակավայրեր չկան, խիտ անտառներ են ու կարծես թե լավ բնագծերը ազերներն են զբաղեցրել, նույնիսկ խոսակցություններ կան, որ տեղ-տեղ մեր հողի մեջ են /նկատի ունեմ սովետի սահմաններով/: Կարճ ասած էս գիծը արագ ու լուրջ աշխատանքների կարոտ ա, ու գիտեմ ինչ եմ ասում, ոչ ոք ինձ դասեր չտա: Ազերները ժամերի ընթացքում ցանկացած տարածք յուրացնում ու կահավորում են, մենք օրերով թիթեռ ենք նկարում: Դանդաղկոտությունը շատ ծանր ա նստելու մեզ վրա ապագայում. ուղիղ կրակի տակ գտնվող գյուղեր, գյուղատնտեսական նշանակության հողեր, ճանապարհներ և այլն»: