Երկուշաբթի, 23 փետրվարի, 2026 թ.
|
Ստեփանակերտում`   +10 °C

«Պարզ հարց բոլոր նրանց, ովքեր դեռ երկմտում են՝ գնա՞ Փաշինյանը, թե՞ ոչ». Տիգրան Աբրահամյան

«Պարզ հարց բոլոր նրանց, ովքեր դեռ երկմտում են՝ գնա՞ Փաշինյանը, թե՞ ոչ». Տիգրան Աբրահամյան
505
Երեքշաբթի, 08 դեկտեմբերի, 2020 թ., 10:00

«Հենակետ» վերլուծական կենտրոնի ղեկավար Տիգրան Աբրահամյանը ֆեյսբուքյան իր էջում գրել է. «Պարզ մարդկային հարց բոլոր նրանց, ովքեր դեռ երկմտում են՝ գնա՞ Փաշինյանը, թե՞ ոչ։ Պայքարե՞ն, թե՞ չէ։

Լավ, մնա ի՞նչ անի։ Այդ ինչն է ձեր սրտով արել կամ անում՝ Արցախի 75%-ը թշնամուն հանձնե՞լը, մի քանի հազար մարդու կյանք խլե՞լը, Սյունիքի, Վայոց ձորի և Գեղարքունիքի մեր հայրենակիցներին անպաշտպան դարձնե՞լը, երկիրն աղետի եզրին հասցնե՞լը։

Լավ ի՞նչ։

Այն ամենը, ինչը մեր ամենավատ երազում չէինք կարող տեսնել, ցավոք, արդեն իրականություն է։

Սա արդեն ջրբաժան է, անկախ նրանից, թե Նիկոլին աջակցե՞լ եք, ընտրե՞լ եք, թե՞ ոչ, իր ժամանակը ավարտվել է՝ պետք է գնա։

Նոր՝ արտահերթ ընտրություն կլինի, կգնաք ձեր ընտրությունը կրկին կկատարեք, բայց հիմա Փաշինյանը պետք է գնա, հակառակ դեպքում՝ երկար շարունակվելու պարագայում, մենք բոլորս ենք գնալու, բայց արդեն երկրից։ Որովհետև նրա պաշտոնավարման յուրաքանչյուր օր մեզ հեռացնում է այս տարածաշրջանում անվտանգ ապրելու մեր հնարավորությունից։

Հայի գոյությունը կրկին վտանգված է»։