«Նիկոլ Փաշինյանը պետք է հեռանա, պետք են նոր ընտրություններ». Արթուր Բաղդասարյան

ՕԵԿ նախագահ Արթուր Բաղդասարյանը ֆեյսբուքյան իր էջում գրել է. «Սիրելի՛ հայրենակիցներ, բազում են ինձ ուղղված հարցադրումները իշխանություն-ընդդիմություն առկա առճակատման շուրջ իմ տեսակետի առնչությամբ։ Տեսակետս արդեն իսկ հայտնել եմ հստակ։ Ելքը քաղաքակիրթ պայմանավորվածությամբ, սահմանադրական մեխանիզմներով, ճանապարհին քարտեզի մշակմամբ արտահերթ ընտրությունների անցկացումն է առանց ցնցումների և բախումների։ Նիկոլ Փաշինյանը պետք է հեռանա, պետք են նոր ընտրություններ, քանզի դա քաղաքագիտական աքսիոմա է, ազգի համար նման բախտորոշ որոշում ընդունելուց հետո առավել ևս առանց նույն ազգի կարծիքը հարցնելու։ Հեռանալը սոսկ ձևի և ժամանակի մեջ է։ Արժանապատիվ լուծումներն երկուստեք շատ ավելի լավ է քան Աստված չարասցե արյունով և բախումներով։ Նույնը վերաբերվում է նաև կատարվածի դեմ ընդվզող մեր Ժողովրդին և հասարակական, քաղաքական ուժերին։ Ակնհայտ է, որ նոր իշխանության ձևավորման ճանապարհը պետք է անցնի նոր ընտրություններով առանց բախման, ցասումի և ցնցման»։