«Ժողովուրդը կդատի և մենք դա խոնարհաբար կընդունենք»․ Փաշինյան

«Կարծում եմ՝ տարօրինակ է, որ ձևավորված հրաժարականի կոնտեքստում քննարկվում է ժողովրդի տված իշխանությունը ժողովրդի հետ որևէ կապ չունեցող սուբյեկտներին հանձնելու հարցը»,- ԱԺ-Կառավարություն հարցուպատասխանի ժամանակ հայտարարեց վարչապետ Նիկոլ Փաշինյանը: «Բա էդ իշխանության տիրոջը մենք ի՞նչ պատասխան ենք տալու: Մենք պատասխան ունենք՝ մե՛նք չենք իշխանության տերը, իշխանության տերը ժողովուրդն է: Ժողովուրդը կդատի և մենք դա խոնարհաբար կընդունենք: Եթե հարցադրումը հետաքրքիր է՝ մենք պատրաստ ենք այն քննարկել խորհրդարանական ուժերի հետ: Այն ուժերը, որոնք այսօր պահանջում են իրենց տալ իշխանությունը, այդ ուժերը չունեն նման առաջարկ կամ պահանջ դնելու որևէ լեգիտիմության»,- ասաց վարչապետը: