Վազգեն Մանուկյանը՝ «գազազած ժողովուրդը Փաշինյանին կհոշոտի» արտահայտության մասին

Այսօր մի շարք հեռուստաընկերություններին տված հարցազրույցում «Հայրենիքի փրկության» շարժման վարչապետի թեկնածու Վազգեն Մանուկյանն անդրադարձավ հանրահավաքներից մեկի ժամանակ իր արած հետևյալ արտահայտությանը՝ «Եթե շարժումը չհաղթեց, ապա գազազած ժողովուրդը Փաշինյանին կհոշոտի»:

Նշենք, որ այս արտահայտությունը դարձավ լայն քննարկումների և քննադատությունների առարկա:

«Երբ ես ասացի՝ «գազազած ժողովուրդ», նայեք, Հայաստանում հազարավոր, եթե ոչ տասնյակ հազարավոր մարդիկ կան, որոնց տերմինալոգիան է «ոչնչացնել, սպանել, ջարդել, կախել», ու դա գաղտնիք չէ: Նրանց մի մասի մոտ դա անձնական է, մի մասինը՝ ազգային, այդպիսի բան կա: Իրանք հիմա իրենց զուսպ են պահում, որովհետև, երբ կա քաղաքական շարժում, որը խնդիր է լուծում, այդպիսի մարդիկ իրենց զուսպ են պահում՝ սպասելով արդյունքին: Բայց եթե քաղաքական պայքարը վերջանում է, պարտվում է կամ վերանում է, սկսվում են անկանխագուշակելի երևույթներ, դրանց մեջ և այն, ինչը որ ես ասել եմ: Հիմա իշխանությունը պետք է հասկանա, որ իր փրկությունը քաղաքական շարժումն է: Քաղաքական շարժումից դուրս գալուց հետո ոչ թե կխաղաղվի, այլ՝ ընդհակառակը. անպայման կառաջանան խմբեր, որոնք կփորձեն խնդիրը լուծել իրենց պատկերացրած ձևով».- ասաց Մանուկյանը:

Մանրամասները՝ տեսանյութում: