Հայկակ Արշամյանը պարզաբանում է, թե որ ոլորտներում են ծախսվելու Համահայկական հիմնադրամի գումարները

«Պատերազմի ընթացքում հավաքագրվեց շուրջ 175 միլիոն դոլար: Այս գումարները թիկունքի ամրապնդման համար են, և քանի որ հիմնադրամը բարեգործական կազմակերպություն է, հիմնադրամի աշխատանքներով միայն կարող ենք ֆինանսավորել այն նպատակները, որոնք ամրագրված են հիմնադրամի կանոնադրությամբ, այսինքն՝ հումանիտար ուղղություններով: Պատերազմի ընթացքում՝ պայմանավորված ռազմական դրությամբ, քանի որ ՀՀ-ն հսկայական ծախսեր է անում, հիմնադրամի հոգաբարձուների խորհրդի կողմից որոշում ընդունվեց, որ այդ գումարների մի մասը կնվիրաբերվեն ՀՀ-ին և այդ գումարները պետք է օգտագործվեն հիմնադրամի կանոնների ուղղությամբ՝ սոցիալական, առողջապահական»,- ասել Արշամյանը:

Նրա խոսքով՝ հիմնադրամն արդեն ՀՀ գանձապետական հաշվին նվիրաբերել է մոտավորապես 107 միլիոն դոլար:

Արշամյանը հայտնել է նաև, որ մնացած գումարը նախատեսում են ներդնել բնակարանաշինության ոլորտում՝ ապահովելու համար Արցախից տեղահանված մարդկանց բնակարանով: Գումար կհատկացվի նաև վիրավորված զինծառայողների բուժման համար: Հիմնադրամը պատրաստվում է զինծառայողների ֆիզիկական և հոգեբանական բուժման ողջ ծախսերը վերցնել իր վրա:

Մանրամասները՝ տեսանյութում: