«Մի քանի հարյուր միլիոնի հափշտակության գործ կա և նրան հնարավորություն են տվել ինքնամաքրվելու». Սայաթ Շիրինյան

«Մտածում էի, որ այս ժամանակահատվածում Վարդանն, այնուամենայնիվ, իր մեջ ուժ կգտնի և այս դավաճան իշխանության հանցակիցը չի լինի»,- խոսելով փոխոստիկանապետ Վարդան Մովսիսյանի գործունեությունից, այսօր, մամուլի ասուլիսում, ասաց ոստիկանության գնդապետ Սայաթ Շիրինյանը: «Ես, իհարկե, չեմ անդրադառնում այն լուրերին, որ բուժվարչության պետ եղած ժամանակ, տարբեր անձանց անուններով գրանցված դեղերը դեղատներում էին հայտնվում: Չեմ անդրադառնում, որ այս երկուսուկես տարիների ընթացքում, մի քանի հարյուր միլիոնի հափշտակության գործ կա և նրան հնարավորություն են տվել ինքնամաքրվելու: Ի՞նչ օրինակ պիտի ծառայես դու քո ենթականերին»,- ասաց նա: