«Դա չի նշանակում, որ մյուս երկրների հետ, այդ թվում՝ Թուրքիայի, հարաբերություններ չպետք է ունենանք»․ Վ․ Մանուկյան

«Քաղաքական աքսիոմ է․ պարտված ղեկավարը պետք է գնա»,- այսօր՝ մտավորականների հետ հանդիպման ժամանակ ասաց «Հայրենիքի փրկության շարժման» վարչապետի թեկնածու Վազգեն Մանուկյանը։

Նա ելույթի ընթացքում նշեց այն քայլերը, որոնք պետք է արվեն Նիկոլ Փաշինյանի հեռացումից անմիջապես հետո․ «Փաշինյանի հեռանալուց հետո ի՞նչ պետք է անել․ հսկայական բանակցային գործընթաց պետք է գնա՝ եռակողմ հայտարարությունը կյանքի բերելու և մեկնաբանելու համար այնպես, ինչպես որ մենք կուզենանք․․․։ Ես գտնում եմ, որ մենք պետք է տարբեր, բազմաթիվ հարաբերություններ ունենանք, մեր երաշխիքը հիմա Ռուսաստանն է, բայց դա չի նշանակում, որ մյուս երկրների հետ, այդ թվում՝ նաև Թուրքիայի, հարաբերություններ չպետք է ունենանք»,- ասաց Մանուկյանը։