«Վազգեն վարչապետ»․ երթի մասնակիցները ողջունեցին վարչապետի թեկնածուին

«Դու հայ ժողովրդին շարունակելու ես տեսնել ոստիկանական պատնեշի հետևից: Դու դավաժանել ես մեր ժողովրդին, հետևաբար, իրավունք չունես ներկայացնելու մեր ժողովրդին: Կոչ եմ անում բոլորս բռունցքներս վեր բարձրացնենք»,- Կառավարության շենքի մոտ «Արժանապատվության երթի» ընթացքում հայտարարեց ՀՅԴ ԳՄ ներկայացուցիչ Իշխան Սաղաթելյանը՝ կոչ անելով բռունցքները բարձրացնել։

Դիմելով Նիկոլ Փաշինյանին նա ասաց. «Նիկոլ, այս բռունցքը սպառնալիք չէ միայն, սա մեր ժողովրդի միասնական բռունցքն է, որով քեզ հեռացնելու է, միավորվելու է բզկտված հայրենիքը կառուցելու համար: Դու այս բռունցքի մեջ տեղ չունես, հեռացիր և վերջ»:

Երթի մասնակիցները՝ ողջունելով վարչապետի թեկնածու Վազգեն Մանուկյանին վանկարկեցին՝ «Վազգեն վարչապետ»:

Երթը շարունակվում է։ Մասնակիցներն այս պահին Ֆրանսիայի հրապարակում են։ Այն ուղեկցվում է ոստիկանական մեծաթիվ խմբերով։