«Հոկտեմբերի 12-ին հորդորել եմ Փաշինյանին՝ խնդրել Պուտինին, որ կանգնեցնի պատերազմը». Շարմազանով

«Նիկոլը, որ ասում ա՝ պատրաստ եմ քաղաքական պատասխանատվություն կրել, դրա միակ ձևն օր առաջ հրաժարական տալն է»,- այս մասին այսօր՝ երթի մեկնարկին լրագրողների հետ զրույցում ասաց ՀՀԿ խոսնակ Էդուարդ Շարմազանովը:

«Չի տա, մենք կպարտադրենք: Ավելին, եթե իրանց մտքում կա, որ Նիկոլը հրաժարական տա ու իրանց թիմից որևէ մեկին որպես ֆուտլյար կապեն ժողովրդի վզին, չի ստացվելու, իսկ հայ ժողովուրդը Նիկոլի ֆուտլյարներին չի հանդուրժելու»,- ասաց նա:

Շարմազանովը համարում է, որ իշխանափոխության դեպքում պետք է սկսվի իրավական գործընթաց:

«Ոչ միայն Արայիկ Հարությունյանը, այլև Հայաստանի և Արցախի իշխանության բազմաթիվ ներկայացուցիչներ պետք է ասեն էն, ինչ որ եղել ա»,- նշեց նա:

Շարմազանովը վստահ է, որ տեղի է ունեցել դավաճանություն:

«Պատերազմի երրորդ-չորրորդ օրը գլխավոր շտաբի պետը Նիկոլին ասում ա, որ պիտի կանգնեցնել պատերազմը: Հոկտեմբերի 12-ին՝ արտախորհրդարանական ուժերի հանդիպմանը պարտադրում եմ, առաջարկում եմ, հորդորում եմ, որ Պուտինին խնդրի և համաձայնվի նրա առաջարկներին՝ կանգնեցնել պատերազմը…»,- հայտարարեց նա: