«Փաշինյանը ցուցակ էր տվել, թե որ գեներալներն իրավունք չունեն շտաբ մտնելու». Վազգեն Մանուկյան

«Փաշինյանը ցուցակ էր տվել, թե որ գեներալներն իրավունք չունեն շտաբ մտնելու, օրինակ՝ Յուրի Խաչատուրովն ու Վիտալի Բալասանյանը»,- «Արմնյուզ» Հ/Ը-ի եթերում ասել է «Հայրենիքի փրկության» շարժման վարչապետի թեկնածու Վազգեն Մանուկյանը:

Ըստ Մանուկյանի՝ 2018-ի իշխանափոխությամբ «տրվեց Արցախի հանձնման ծրագրի մեկնարկը»:

«2018-ից Հայաստանի նոր գաղափարախոսությունից ամբողջությամբ հանվեց ազգայինը, Արցախը խանգարում էր, պետք էր բանակը չեզոքացնել։ Նիկոլ Փաշինյանին շատ է դուր եկել իշխանությունը, նա որևէ կերպ չի ուզում գնալ...։ Շատ երկրների ձեռնտու է Հայաստանն օգտագործել՝ որպես գործիք, ոչ թե լուրջ, արժանապատիվ և հավասար խոսակցություն ունենալ մեզ հետ»,- ասել է Մանուկյանը:

Նրա խոսքով՝ մի քանի տարբերակ կա, ըստ որոնց, Փաշինյանը կարող է հեռանալ. դրանցից մեկն այն է, որ պետական համակարգերը չենթարկվեն գործադիրի ղեկավարին. «Ոստիկանությունը, բանակը, դատախազությունը, մնացած բոլոր կառույցները Փաշինյանի տակից գնում են, հրամանները չեն կատարվում, ուզի, թե ոչ՝ նա հեռանալու է»,- ասել է «Հայրենիքի փրկության» շարժման վարչապետի թեկնածուն:

Մանրամասները՝ տեսանյութում: