«Ինձ լռեցնելու համար քաղաքական հետապնդումներ սկսեցին»․ Գագիկ Ծառուկյան

Այսօր՝ վարչապետի հրաժարականի պահանջով հանրահավաքին մասնակցում էր նաև ԲՀԿ առաջնորդ Գագիկ Ծառուկյանը, ով հայտարարեց, որ երկուսուկես տարի Կառավարությունը խաբել է ժողովրդին ու բոլոր ոլորտներում ձախողել. «Բոլոր բարեկամական կապերը շեղել են, ոչ մի բարեկամական կապ չի մնացել․․․ Դուք կհիշեք, երբ ես ելույթ ունեցա, ներկայացրեցի մեր երկրի առջև ծառացած խնդիրները՝ սոցիալական, տնտեսական, քաղաքական, համաճարակ և Արցախ․․․ Ասեցի՝ ունենք երեքից չորս ամիս ժամանակ։ Դա եղել ա հունիսի 5-ին, պատերազմը սկսել ա սեպտեմբերին։ Այդ ժամանակ ինձ լռեցնելու համար քաղաքական հետապնդումներ սկսեցին, ինձ ձերբակալեցին։ Այդ օրն էլ ես հայտարարեցի, որ ինձ ձերբակալելով էլ երկրի խնդիրը չե՛ս լուծելու, ժողովրդի վիճակը չե՛ս բարելավելու: Ու հիմա տեսնում եք այն, ինչ ունենք»,- նշեց նա։