«Հերի՛ք ա խաբես, արա՛»․ սիսիանցին՝ Փաշինյանին

ՀՀ վարչապետ Նիկոլ Փաշինյանն այժմ շրջում է Սիսիան քաղաքում։ Թաղամասերից մեկում նրան դիմավորեցին մի խումբ քաղաքացիներ։ Նրանք վանկարկում էին «Նիկոլ վարչապետ» և ծափահարում նրան։ Փաշինյանը խնդրեց չծափահարել, քանի որ ՀՀ-ում եռօրյա սուգ է․ «Ժողովո՛ւրդ, պետք չեն էլի ծափերը էսօր, սգի օր ա»,- ասաց նա։

Նա սիսիանցիների հետ հանդիպմանը պարզաբանում էր Սյունիքի սահմաններին տիրող իրավիճակը։

«Էսօր շատ ա խոսվում, թե էն, ինչը տեղի է ունենում Սյունիքի սահմաններին, դա Սյունիքը հանձնելու պրոցես ա և այլն։ Իրականում ուղիղ հակառակն ա»,- ասաց Փաշինյանը։

Ընդհատելով Փաշինյանի խոսքը՝ սիսիանցիներից մեկն արձագանքեց․ «Հերի՛ք ա խաբես, արա՛»։

Տեղում հավաքվածները սկսեցին աղմկել՝ լռեցնելու համար քաղաքացուն։