«Հանգստացե՛ք, եթե ուզում եք, փոքրիկ տաբլետկաներ խմեք». Մարությանը՝ Խաժակյանին

Երևանի ավագանու այսօրվա նիստում Երևանի ավագանու «Լույս» խմբակցության ղեկավար Դավիթ Խաժակյանն իր ելույթում անդրադարձավ պատերազմին, այնուհետև նշեց, որ իշխանությունը լեգիտիմ չէ: «Դուք բոլորդ պետք է միասնաբար հեռանաք»,- դիմելով Հայկ Մարությանին՝ հայտարարեց նա: Ի պատասխան՝ Մարությանն ասաց.

«Երևանին ամենամեծ վնասը հասցրել եք հենց դուք… Ես քաղաքապետարանի աշխատանքը գնահատում եմ շատ բարձր»: «Ես էլ եմ գնահատում բարձր, բայց ձերը գնահատում եմ ամենացածրը»,- արձագանքեց Խաժակյանը:

«Դուք շուկայում չեք գտնվում, պարոն Խաժակյան, ձեզ պահեք հարիր»,- ասաց քաղաքապետը: Խաժակյանն իր հերթին պահանջեց ելույթի ժամանակ մեկնաբանություններ չհնչեցնել: «Ես հասկանում եմ՝ ահավոր վատ ա գիտակցել, որ մաքսիմալ վնաս եք տվել համայնքին, բայց ոչինչ»,- ասաց Մարությանը: «Ձեր շուլուխների տեղը չի, Պարոն Մարության»,- հակադարձեց Խաժակյանը: «Հանգստացեք, եթե ուզում եք փոքրիկ տաբլետկաներ խմեք, կհանգստանաք»,- Խաժակյանին ասաց քաղաքապետը: