Ցուցարարները շրջափակել են Կառավարության շենքը

ՀՅԴ ԳՄ անդամ Իշխան Սաղաթելյանն այսօր՝ «Հայրենիքի փրկության շարժման» կազմակերպած հանրահավաքի ժամանակ ներկայացրեց իրենց հետագա անելիքները։

Նա հայտարարեց, որ շրջափակելու են ՀՀ կառավարության շենքը։ «Խնդրում եմ չտրվել սադրանքների։ Որևէ մեկը չփորձի մտնել այդ շենք, որովհետև դա այս պահին մեզ պետք չէ։ Ցանկացած շենք, մեր ժողովուրդը երբ ուզեց, կվերցնի, բայց խնդիրն այժմ դրա մեջ չէ։ Մեր հետևողական, համատեղ աշխատանքի արդյունքում պետք է պետական ամբողջ համակարգը վերցնենք Նիկոլ Փաշինյանից»,- ասաց Սաղաթելյանը։

Հանրահավաքի մասնակիցներն այս պահին շրջափակել են Կառավարության շենքը։