Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Եվս մեկ օր՝ գործադուլ և դասադուլ․ վաղվա գործողություններն ավելի կտրուկ են լինելու»․ Ի․ Սաղաթելյան

«Եվս մեկ օր՝ գործադուլ և դասադուլ․ վաղվա գործողություններն ավելի կտրուկ են լինելու»․ Ի․ Սաղաթելյան
202
Երեքշաբթի, 22 դեկտեմբերի, 2020 թ., 20:14

«Այն քաղաքացիները, ովքեր ուզում են մնալ, մենք պայմաններ ստեղծելու ենք։ Մենք արդեն հայտարարել ենք, որ գիշերելու ենք այստեղ»,- Հանրապետության հրապարակում ընթացող հանրահավաքի ժամանակ ասաց ՀՅԴ ԳՄ ներկայացուցիչ Իշխան Սաղաթելյանը։

Նա նշեց, որ վաղն առավոտից ամբողջ հանրապետությունով շարունակելու են զանգվածային բողոքի ակցիաները։ «Վաղը կրկին մեկ օր գործադուլ և դասադուլ ենք հայտարարում, իսկ ժամը 16։00-ին հավաքվում ենք այս հրապարակում՝ մեծ հանրահավաքի։ Բոլորը, այդ թվում կառավարությունում նստած գերագույն գլխավոր խրտվիլակը, ԱԺ մեծամասնությունը, պետք է հասկանան, որ այսօրվա մեր բոլոր պահանջները մնացել են անպատասխան, և, հետևաբար, ամբողջ պատասխանատվությունը մնալու է նրանց վրա»,- հայտարարեց Սաղաթելյանը՝ ընդգծելով, որ վաղվա գործողություններն ավելի կտրուկ և ավելի վճռական են լինելու։