«Փողոցում գործող «ընդդիմությունը» էգոիստ է»․ Գևորգ Գալստյան

Քաղաքագետ, «Ազգային-Ժողովրդավարական Բևեռ»-ի մասնակից Գևորգ Գալստյանը ֆեյսբուքյան էջում գրել է. «Ներկայումս փողոցում գործող «ընդդիմությունը» էգոիստ է. բողոքում է ոստիկանության գործողությունների դեմ, շեշտելով, որ վերջինս Փաշինյանի իշխանությանն է ծառայում:
Սակայն, ոստիկանությունը միշտ էլ այդ գործելաոճն է ունեցել՝ միշտ էլ հրահանգավորված փորձել է մահակներով ջարդել տարբեր քաղաքական ուժերի ընդդիմությունը:
Բայց այսօր փողոց դուրս եկած միավորները նախկինում առանձնապես չեն դատապարտել ոստիկանության գործողությունները: Սրանով է հիմնավորվում նրանց էգոիզմը:
Այսինքն՝ նրանց համար անթույլատրելին դատապարտելի է միայն այն դեպքում, երբ իրենց նկատմամբ է կիրառվում»: