«Ոստիկանատնից ոստիկանատուն են տեղափոխում՝ հետքերը կորցնելու համար»․ Գեղամ Մանուկյան

ՀՅԴ ԳՄ անդամ Գեղամ Մանուկյանն այսօր Հանրապետության հրապարակում լրագրողների հետ զրույցում ասաց, որ այսօրվա ակցիայի ժամանակ բազմաթիվ քաղաքացիներ են բերման ենթարկվել։ «Շատ մարդիկ են բերման ենթարկվել՝ Դաշնակցության Գերագույն մարմնի անդամներ Արծվիկ Մինասյանը, Աշոտ Սիմոնյանը, Սիմոն Սիմոնյանը, բազմաթիվ երիտասարնդեր, տարբեր կուսակցությունների անդամներ։ Հիմա արդեն սկսել են հարուցել քրեական գործեր խուլիգանության մեղադրանքով։ Սկսել են ոստիկանատնից ոստիկանատուն տեղափոխել մարդկանց՝ հետքերը կորցնելու համար»,- ասաց Մանուկյանը։