Սիսակ Գաբրիելյանը՝ աղմկահարույց ծեծկռտուքի և հայհոյանքների մասին

Իմքայլական պատգամավոր Սիսակ Գաբրիելյանը քիչ առաջ լրագրողների հետ զրույցում անդրադարձավ այսօր տեղի ունեցած ծեծկռտուքին։

«Ես առավոտյան գալիս էի աշխատանքի, տեսա որ ճանապարհահատվածը մի քանի տասնյակ քաղաքացիերի կողմից փակված է։ Կանգնեցի աջ հատվածի վրա ու նկատեցի, որ մոտ 10-15 քաղաքացիներ վազելով մոտենում են իմ ուղղությամբ․․․։ Մեջները կային ագրեսիվ վարքագիծ դրսևորողներ։ Եկան, մեքենայի դիմացի հատվածին սկսեցին ձեռքով հարվածել, պահել, բնականաբար պատուհանը իջեցրի, հարցրի՝ ի՞նչ եք ուզում, մի քանիսը սկսեցին հայհոյել։ Ես ասացի՝ չեմ փախնում, գոնե ճանապարհը բացեն, իջնեմ։ Երեք-չորսի դեմքն եմ շատ լավ հիշում, որ ծաղրական, խուլիգանական արտահայտություններ էին անում, վիրավորում էին․․․։ Երբ փակում եմ պատուհանս, մեկ-երկու շատ ուժեղ հարված է լինում մեքենային և պատուհանն իջեցնում եմ ու հարցնում՝ ո՞վ հարվածեց, էնտեղից արդեն կոպիտ պատասխան ա լինում, ես մեքենայից իջնում եմ ու հարցնում՝ ո՞վ հարվածեց․․․ մնացածը, կարծում եմ քաղաքացիներն արդեն տեսել են»,- ներկայացրեց Գաբրիելյանը՝ հավելելով, որ այդ ժամանակ հիշել է Արարատ Միրզոյանին ծեծի ենթարկելու տեսարանը և մտածել է, որ չի կարողանա փախչել, ուստի պետք է պաշտպանվի։

Մանրամասները՝ տեսանյութում։