Երեքշաբթի, 21 ապրիլի, 2026 թ.
|
Ստեփանակերտում`   +7 °C

«Եթե ուզում ես փրկվես, հրաժարական տուր». բացառիկ մանրամասներ` Ծառուկյան-Փաշինյան հանդիպումից. Mediaport

«Եթե ուզում ես փրկվես, հրաժարական տուր». բացառիկ մանրամասներ` Ծառուկյան-Փաշինյան հանդիպումից. Mediaport
564
Չորեքշաբթի, 30 դեկտեմբերի, 2020 թ., 00:30

Տելեգրամի Mediaport ալիքը գրում է.

«Mediaport-ին բացառիկ մանրամասներ են հայտնի դարձել Գագիկ Ծառուկյան-Նիկոլ Փաշինյան 3 րոպեանոց հանդիպումից։

Նախ՝ Գագիկ Ծառուկյանը չի սեղմել Նիկոլի ձեռքը, որից հետո Փաշինյանն ակնհայտ ընկճվել է։ Կոռոնավիրուսից ապաքինված Ծառուկյանը հեգնել է, թե դա անում է չվարակվելու համար:

Փաշինյանը հարցրել է՝ ինչի՞ դիմաց Ծառուկյանը կհամաձայնի միանալ Սահմանադրական փոփոխություններ անելու իր պլանին, ինչին ի պատասխան Ծառուկյանն ասել է. «Փաշինյան ջան, գնացքդ գնացել է, վրադ խաբար չկա»։

Փաշինյանը Ծառուկյանին հայտնել է, թե հանձնարարել է կարճել իր դեմ հարուցված մի շարք քրեական գործեր, ինչին ի պատասխան ԲՀԿ առաջնորդն ասել է, որ ինքը դեռ ամիսներ առաջ է պահանջել կառավարության հրաժարականը և արդեն ապացուցել է, որ շինծու քրեական գործերից չի վախենում, ինչքան ուզում է կարող է ավելացնել այդ քրեական գործերի քանակը։ «Եթե ուզում ես փրկվես, հրաժարական տուր»,-ասել է Ծառուկյանն ու շարժվել դեպի դուռը։

Փաշինյանը վերջում ասել է՝ «իմ համար չես անում, գոնե պետության համար արա», Ծառուկյանն էլ ի պատասխան ասել է. «Իմ դեմ քո արածից հետո ես պետք է չգայի այստեղ, բայց եկել եմ հանուն պետության։ Եվ հենց պետության շահից է բխում, որ դու գնաս»»։

Հիշեցնենք, որ այսօր վարչապետը հանդիպումներ է ունեցել խորհրդարանական խմբակցությունների ղեկավարների հետ։