«Վստահ չեմ, որ անգամ այդ վիճակում Ռուսաստանը մեզ չի ծախի»․ Արա Պապյան

Դիվանագետ Արա Պապյանը ֆեյսբուքյան իր էջում գրել է. «Ոմանք իրենց արևին խորամանկություն են անում՝ բա գիտեք միութենական երկիր ստեղծելն անկախության կորուստ չի։ Հա՞ որ։ Միգուցե Սովետական ՄԻՈՒԹՅՈՒՆԸ ևս անկախ երկրների միությո՞ւն էր, նորից ստեղծված միութենական պայմանագրի հիման վրա։ Գոնե քաջություն ունեցեք և ասեք՝ չնայած Ռուսաստանի հետ կնքած բազում փոխօգնության, այդ թվում ռազմական, երկկողմ ու բազմակողմ փաստաթղթերի՝ վստահ չենք, որ Ռուսաստանը հավատարիմ կլինի իր պարտավորություններին և անկախության կորստի գնով ուզում ենք ապահովել մեր անվտանգությունը։ Դա գոնե ճշմարտության մոտ կլինի, թեև ինքս վստահ չեմ, որ անգամ այդ վիճակում Ռուսաստանը մեզ չի ծախի։ Լավ գին տվող լինի՝ կտա։ Մի սուտ պատրվակ կգտնի՝ բա Սորոսն ու Թորոսն է մեղավոր, ու կծախի»։