«Վտանգն առավել մեծ է, եթե Փաշինյանը ստորագրի Ազրբեյջանի կամ Թուրքիայի հետ սահմանները ճանաչելու որևէ ղազագիր»․ Խզմալյան

Ազգային ժողովրդավարական բևեռի անդամ, կինոռեժիսոր Տիգրան Խզմալյանը ֆեյսբուքյան իր էջում գրել է․ «Հայաստանի Եվրոպական կուսակցությունը բազմիցս զգուշացնում էր 1921 թ․ ռուս-թրքական պայմանագրի վտանգի մասին։ Ընդ որում ոչ թե գրառումներով կամ խոհանոցային խոսակցություններով, այլ ցույցերով ու երթերով։ Այսօր, հայոց Հայրենազրկության այդ հանցավոր հայտարարագրի 100-ամյակից 80 օր առաջ, վտանգն առավել մեծ է, քան երբևէ՝ եթե ռուս սապոգով ճխլված Փաշինյանը ստորագրի Ազրբեյջանի կամ Թուրքիայի հետ սահմանները ճանաչելու որևէ ղազագիր, ապա մեկ դարվա ռուս-թրքական դավադրությունը հասնելու է նպատակին»։